Fondation Hëllef fir d'Natur - E Bam fir d'Gewan

Zënter iwwer 10 Joer schaaft d'Fondatioun Hëllef fir d'Natur mat dësem Projet méi Struktur an der Landschaft - zesumme mat lokale Partner.

Firwat Beem an der Gewan wichteg sinn

Liewensraum a Vernetzung
Solitärbeem a Bamreie stelle fir eng ganz Rei Déiere wichteg Liewensraim duer. Si déngen als Trëttsteng a Korridoren an hëllefen esou ville Liewewiesen, méi grouss Distanzen ze iwwerbrécken. An eiser moderner Agrarlandschaft feelt et dacks un dësen Trëttsteng a Korridoren. Doduerch kann den Austausch tëschent verschiddene Populatioune verhënnert ginn - am schlëmmste Fall bis hin zum Verschwannen eenzelner Aarten.
Virdeeler fir d’Landwirtschaft
Beem maache Schiet, vun deem virun allem d’Déiere profitéieren. Si fille sech méi wuel a kënne méi produktiv sinn. Bei extreemer Hëtzt kann d’Mëllechleeschtung ëm bis zu 3 Liter pro Dag erofgoen, wann et de Béischten u Schiet an Ofkillung feelt. Och d’Fleeschproduktioun profitéiert vun engem reduzéierten Hëtzestress.
Buedemschutz a stabil Erträg
Solitärbeem a virun allem Bamreie verhënnere Buedemerosioun a bidde Wandschutz. De Buedem dréchent manner séier aus - e Virdeel, deen an de méi dréchene Summere vun der Zukunft ëmmer méi wichteg gëtt. Bamreien droen dozou bäi, d’Erträg besonnesch an extreme Joren ze stabiliséieren.

Esou geet et:

Interessi mellen. Kontaktéiert eis mat Ärer Iddi fir een oder méi Beem.
Rendez-vous op der Plaz. Mir kucken zesumme mat Iech, wat Är Virstellunge sinn a wéi d’Planzung lokal am beschte kann ëmgesat ginn.
Mir këmmere eis ëm de Rescht.

Wat d’Fondatioun iwwerhëlt:

Déi eenzeg Bedingung:
D’Planzfläch muss ausserhalb vum Bauperimeter leien.

Eng Beräicherung fir d’Landschaft
Nieft hirem ekologeschen a landwirtschaftleche Wäert präge Solitärbeem eis Kulturlandschaft.
Si schafen Identitéit, markant Orientéierungspunkten an e wäertvollen Ierfschaft fir déi nächst
Generatiounen.